Praias do Cantábrico

As Catedrais e Oyambre, Galicia e Cantabria. Días de outono, novas cores, novos ventos, novas ondas,... o mar reéncontrase consigo mesmo, recupera toda a súa forza e manifesta a súa beleza.

Outono Fotográfico 2009

Xa está aquí o Outono Fotográfico con 50 exposicións individuais e 36 colectivas.
O director do certame é Benito Losada, en nome da Casa da Xuventude de Ourense, coa colaboración de múltiples entidades, asociacións, ateneos e concellos de Galicia, especialmente da provinvia de Ourense. O patrocinio corresponde á dirección xeral de Xuventude e Voluntariado da Xunta de Galicia.
Destacamos aquí tres obras. En primeiro lugar, "Twilight" de Carlos Irijalba, gañador do concurso de fotografía Purificación García 2009; en segundo lugar, "Pálido Corcel", de Raúl Gómez, gañador do concurso fotográfico Festa da Istoria 2009 e finalmente, "Durgapuja" de Pablo Araújo, ilustra unha festa da India en homenaxe á deusa Durga. Poden verse, respectivamente, no Centro Cultural da Deputación de Ourense, na igrexa da Madalena de Ribadavia e no café cultural Auriense de Ourense.
Toda a información sobre autores e exposicións na web do certame: Outono Fotográfico.

Río Coura

Os sendeiros de Paredes de Coura están marcados polo seu río principal. Eduardo e José, de Sendereando, mostráronme este lugar tan fermoso, no que o Borzendes regala as súas augas ao río Coura (terceira fotografía).
Por certo, as árbores non entenden de regulamentos.

Cabárceno, unha realidade viva

Cabárceno é un parque da natureza que acolle aos animais en réxime de semiliberdade. Unha antiga explotación mineira de 750 hectáreas transformouse nun lugar de atracción turística, con fins educativos, culturais, científicos e recreativos.

Premios 2009 Fundación Biodiversidad

Nos premios da Fundación Biodiversidad, no apartado de fotografía, resultou galardoada Cristina Molino, coa súa obra "Pinta el futuro". A imaxe destaca a intervención humana sobre o ecosistema, e alerta sobre os problemas da deforestación.